Кристина Озимец е истражувачка новинарка од Скопје и претседателка на Платформата за истражувачко новинарство и анализи – ПИНА.

Во текот на својата кариера како новинар, Кристина се има насочено во покривање повеќе теми од области како политика, корупција, владеење на правото, човекови права, граѓански сектор и образование. Повеќекратно е наградувана за истражувачките стории, а добива и признанија за професионалниот пристап и заложби во покривањето теми поврзани со маргинализираните заедници.

Озимец е и обучувач на темата истражувачко новинарство и постојан соработник и македонски дописник за Дојче Веле.  Таа е дипломиран новинар на Правниот факултет „Јустинијан Први“ во Скопје.

Кристина Озимец е и главен организатор на Истражувачкиот филмски фестивал Скопје.